Точки од интерес – опис

ПРИЗРЕНСКА ТВРДИНА

Локација: Призрен

Надморска височина: 518 м.н.в.

Пристап до местото: Поплочен пат кој води до тврдината

Опис: Од мостот „Араста“ треба да се следат патоказите и патот до тврдината, што е 10 минути одење, отприлика 100 метри растојание. Тврдината во Призрен е позната по својата античка историја и по геостратешката положба и својата висинска позиција, како чувар на градот. Западната страна на тврдината е позната по прекрасниот поглед на зајдисонцето, кој е комбиниран со течението на Призренска Бистрица (Lumbardh), во правец на планината Паштрик. На југоисточната страна може да се ужива во прекрасен поглед на речната клисура од Призренска Бистрица, а во позадината има убав поглед на Шар Планина.

GPS: N 42° 12’ 33.5’’ / E 20° 44’ 44.4’’

ПАШИНА ЧЕШМА

Локација: Призрен

Надморска височина: 805 м.н.в.

Пристап до местото: Пешачење по стара трговска патека, почнувајќи од центарот на град Призрен 1 час

Опис: Пашина чешма е извор на вода, кој подоцна е претворен во фонтана, која е позната сега со векови. Одсекогаш служела како место за освежување за многу патници. Најчесто e посетувана од жителите на Призрен за рекреативни цели. Патеката која води од Призренската тврдина е збогатена со стебла на костен и лешник, додека на задната страна на Пашина чешма има многу борови дрвја.

GPS: N 42° 11’ 27.2’’ / E 20° 44’ 23.0’’

ПАНОРАМСКИ ПОГЛЕД КОН СЕЛО ЈАБЛАНИЦА

Локација: Шар Планина, над село Јабланица

Надморска височина: 1170 м.н.в.

Пристап до местото: До панорамскиот поглед кон селото Јабланица, може да се пристапи од Старата трговска патека, што е оддалечено 2 часа пешачење од Призрен или од асфалтниот пат Призрен – Заплух.

Опис: Оваа точка на интерес е на крстосницата кон регионот на Опоја и Макадамската патека, низ која минува истотака и старата трговска патека. Карактеристичен е широкиот панорамски поглед, од каде може да се види долината Жупа, планинскиот гребен Ошљак и дел од централниот масив на Шар Планина. Од другата страна, се наоѓа селото Заплух, познато по одгледување малини. После селото Заплух се простира букова шума Китка 1400 м.н.в.

GPS: N 42° 09’ 56.7’’ / E 20° 45’ 35.9’’

ПЛАНИНАРСКИ ДОМ НА ШАР ПЛАНИНА

Локација: Шар Планина, над селото Стружје

Надморска височина: 1285 м.н.в.

Пристап до местото: До планинарскиот дом може да се стигне преку Макадамскиот пат, 3 часа пешачење од Призрен или 16 км возење од регионалниот асфалтен пат Призрен - Локвица - Стружје, а потоа по макадамски пат до Планинарскиот дом.

Опис: Планинарскиот дом е во сопственост и управуван од Планинарското здружение Шари од Призрен и може да обезбеди храна и сместување за најмногу 80 лица. Планинарскиот дом постои од 1951 година и оттогаш е управуван од Здружението Шари.

GPS: N 40° 09’ 6’’ / E 20° 46’ 50.1’’

ЦРНА КАРПА

Локација: Шар Планина, над селото Заплух

Надморска височина: 1590 м.н.в.

Пристап до местото: До оваа точка може да се пристапи преку обележаната (маркирана), Старата трговска патека или преку макадамскиот пат, кој поминува низ селото Заплух. Времетраење на пешачењето од почетната точка изнесува 4 часа и 30 минути.

Опис: Оваа точка од интерес го означува крајот на шумскиот појас, кој е исто така крстосница на регионот на Опоја и селата Заплух, Стружје и Манастирица. Патеките што ги поврзуваат овие села можат лесно да се видат, но истите не се обележани. На оваа локација се наоѓа гостинската куќа „Мелити“, која обезбедува сместување и традиционална храна. Покрај гостинската куќа, во близина, постои и стара воена установа од времето на Југославија, која меѓу народот е позната како Караула. Од оваа точка, може да се види врвот Скарпа кој е обележан (маркиран) и исто така може да се видат Караникола и Вртоп.

GPS: N 42° 07’ 21.0’’ / 20° 47’ 22.2’’

ЗЕЛЕН ПРЕМЕИН

Локација: Шар Планина, село Вешала

Надморска височина: 1590 м.н.в.

Пристап до местото: Од косовска страна, може да се пристапи преку обележанта Стара трговска патека и селата Заплух и Манастирица. Од македонска страна може да се стигне преку Старата трговска патека или селата Вешалa и Бозовце.

Опис: Оваа точка на интерес е исто така граничен премин, каде може да се премине границата, а познат е и како Зелен премин. Овозможува панорамски поглед на јужниот масив на Шар Планина и долината Лешница. Ако времето е јасно, лесно може да се погледне Кула на ТИТОВ врв 2747м, што е и највисоката точка на Шар Планина. Исто така, тука е и преминот на планинските патеки до врвот Корфи 2555м и езерото Караникола. Овие две патеки имаат делумно хоризонтално обележување.

ГПС: N 42° 08’ 43.93’’ / E 21° 05’’ 55.47’’