DOWNLOAD GPX     Места од интерес

Позиција - планина

• Шар Планина / североисточен сегмент

Почетна точка

• Село Рогачево

Опис на патеката

Патеката започнува од центарот на Село Рогачево, која поминува низ горниот дел од селото и се движи кон север се до месноста „Калуѓер“. Од тука патеката по широк пат низ шумски предел, започнува да се движи кон југ и се спојува со патот кој од село оди право кон месноста „Корита“. Карактеристично, за посетителот кога ќе се спои на овој пат, е тоа што во близина на спојувањето има репетитор. Од тука, патеката се движи по широкиот пат со главна насока кон север, и се искачува се до месноста „Рогачевски Корита“. Откако ќе ги оставиме „Корита“ по широкиот земјан пат се движиме кон север / северо запад, поминуваме покрај „Рогачевските Бачила“ се движиме по изохипса на височина од 1600 метри, и стигнуваме до Планинарскиот Дом „Љуботен“. Во близината на домот се наоѓаат „Староселските Бачила“ и „Вила Љуботен“.

Технички информации:

Висина на почетна точка

• Село Рогачево – 865 м.н.в.

Највисока точка

• Планинарски Дом „Љуботен“ – 1635 м.н.в.

Висина на крајна точка

• Планинарски Дом „Љуботен“ – 1635 м.н.в.

Времетраење на тура

• 2.30 часа

Должина на патека

• 8 км

Надморска височина

• Вкупно искачување – 775 m

• Вкупно симнување – 35 m

Тежина на патека

• ☆☆☆ ☆ ☆

Потребна физичка подготвеност

• ☆☆☆ ☆ ☆

Панорами и пејзажи

Движејќи се вдолж патеката, најзначајниот панорамски поглед е кон југ, поточно кон Полошката котлина. Ова е карактеристично место за доживување на овој поглед од позицијата на „Рогачевски Корита“.

Поминувајќи ја патеката која што после „Рогачевски Корита“ се движи кон планинарскиот дом „Љуботен“ во правец на север / северозапад се отвора прекрасен поглед на врвот Љуботен и североисточниот дел на масивот на Шар Планина.

Пристапност до почетна точка:

• Автопат Скопје – Тетово, 43 км

• Локален пат Тетово – с. Рогачево, 27 км

• Во село Рогачево, низ селските улици постои можност за паркирање на возила

Пристапност до крајна точка:

• Автопат Скопје – Тетово, 43 км

• Локален пат Тетово – село Старо Село, 25 км

• Земјан пат од село Старо Село – Планинарски Дом „Љуботен“, 7 км (само за 4х4 возила)

• Во близина на Планинарскиот Дом „Љуботен“ постои можност за паркирање на неколку возила

Точки од туристички интерес

• од почетната точка

• Вратничко Езеро - (15 минути возење од село Рогачево)

• Излетничко место “Петачко водиче“ - село Беловиште (15 минути возење од село Рогачево)

• од крајна точка

• Врв Љуботен - 2.30 часа пешачење од Планинарскиот Дом „Љуботен“

• Ливадичко Езеро – 3.30 часа пешачење од Планинарскиот Дом „Љуботен“

Сместување и храна

• Планинарски Дом „Љуботен“, Шар Планина

• Вила „Љуботен“, Шар Планина

• Хостел „Китка“, Село Вратница

• Семејна куќа „Белојшки Бисер“, село Беловиште

Јавен превоз

• Јавен превоз, комби превоз и такси возила