DOWNLOAD GPX   Места од интерес

Позиција - планина

• Шар Планина / североисточен сегмент

Почетна точка

• Планинарски Дом „Љуботен“

Опис на патеката

Патеката започнува од планинарскиот дом „Љуботен“. Во почетокот патеката благо се искачува кон север (околу 70 метри во височина) и потоа правецот го менува кон запад / северозапад. Се поминува покрај „Џандарска Бука“. Од ова место патеката поминува под најголемиот камен сипа во Македонија, „Козја Стена“ и се спушта се до Љуботенска Река. Од оваа позиција со менување на правецот кон југозапад и се искачува до „Бачилото на Беким“. Пределот на минување на патеката може да се каже дека е еден од поатрактивните предели на Шар Планина, а се одвива по планинска патека комбинација на пасишен, кеменит и мал дел шумски дел. Од бачилот кое е на локација на „Градска Ливадица“ патеката почнува да се движи во правец на исток и се спушта во шумскиот појас каде од планинска патека преминува во широк земјен пат. Патот се спушта кон Љуботенска Река, ја преминува реката на нејзиниот лев брег и се движи кон исток со што се спојува со патот кој од село Старо Село води до планинарскиот дом. Пред спојувањето со главниот земјен пат, карактеристично место е местото викано „Ржани камен“, карпа која надвиснува над Љуботенска Река. Од тука патеката благо се искачува до спојувањето со главниот земјен пат и се спушта сé до село Старо Село.

Технички информации:

Висина на почетна точка

• Планинарски Дом „Љуботен“ – 1,635 м.н.в.

Највисока точка

• Бачилото на Беким – 1700 м.н.в.

Висина на крајна точка

• Село Рогачево – 890 мнв

Времетраење на тура

• 3.30 – 4.00 часа

Должина на патека

• 10 км

Надморска височина

• Вкупно искачување – 255 m

• Вкупно симнување – 770 m

Тежина на патека

• ☆☆☆ ☆ ☆

Потребна физичка подготвеност

• ☆☆☆ ☆ ☆

Панорами и пејзажи

При поминување на патеката која води од „Џандарска Бука“, се до „Бачилотo на Беким“, панорамскиот поглед е воодушевувачки. Постојано во правц на север / северозапад и југ погледите се кон врвот Љуботен, сипарот на „Козја Стена“ и самата карактеристична карпа, и долината на Љуботенска река.

Од местотот викано „Ржани камен“ погледот кој се доживува во првиот дел од патеката е веќе поизразен, при што може да се доживее доминантноста на врвот Љуботен и од оваа позиција се отвора поглед и кон југ од каде го гледаме т.н Градскиот дел на Ливадица и дел од Полошката котлина.

Пристапност до почетна точка

• Автопат Скопје – Тетово, 43 км

• Локален пат Тетово – село Старо Село, 25 км

• Земјен пат село Старо Село – Планинарски дом „Љуботен“, 7 км (само за 4х4 возила)

• Во близина на планинарскиот дом „Љуботен“ постои можност за паркирање на неколку возила

Пристапност то крајна точка

• Автопат Скопје – Тетово, 43 км

• Локален пат Тетово – село Старо Село, 25 км

• Во село Старо Село, во близина на училиштето, кое се наоѓа во долниот дел од селото, постои можност за паркирање на повеќе возила

Точки од интерес

• од почетната точка

• Врв Љуботен - 2.30 часа пешачење од Планинарскиот Дом „Љуботен“

• Ливадичко Езеро – 3.30 часа пешачење од Планинарскиот Дом „Љуботен“

• од крајна точка

• Вратничко Езеро - 10 минути возење од село Старо Село

• Излетничко место “Петачко водиче“ - село Беловиште - 10 минути возење од село Рогачево

• Излетничко место „Калуѓер“ село Рогачево – 10 минути возење од село Старо Село

Сместување и храна

• Планинарски Дом „Љуботен“, Шар Планина

• Вила „Љуботен“, Шар Планина

• Хостел „Китка“, село Вратница

• Семејна куќа „Белојшки Бисер“, село Беловиште

Јавен превоз

• Јавен, комби превоз и такси возила